Abyākataṁ dhammaṁ saṁsaṭṭho abyākato dhammo uppajjati nakammapaccayā. Kiriyābyākate khandhe saṁsaṭṭhā kiriyābyākatā cetanā. Navipāka Kusalaṁ dhammaṁ saṁsaṭṭho …pe… akusalaṁ dhammaṁ …pe… abyākataṁ dhammaṁ saṁsaṭṭho abyākato dhammo uppajjati navipākapaccayā—kiriyābyākataṁ ekaṁ khandhaṁ. (Saṁsaṭṭhavāre paccanīyavibhaṅge nakamme ca navipāke ca paṭisandhi natthi; avasesesu sabbattha atthi.) Najhāna Abyākataṁ dhammaṁ saṁsaṭṭho abyākato dhammo uppajjati najhānapaccayā— pañcaviññāṇasahagataṁ ekaṁ khandhaṁ saṁsaṭṭhā tayo khandhā …pe… dve khandhe saṁsaṭṭhā dve khandhā. Namagga Abyākataṁ dhammaṁ saṁsaṭṭho abyākato dhammo uppajjati namaggapaccayā—ahetukaṁ vipākābyākataṁ kiriyābyākataṁ ekaṁ khandhaṁ saṁsaṭṭhā tayo khandhā …pe… dve khandhe saṁsaṭṭhā dve khandhā; ahetukapaṭisandhikkhaṇe …pe…. Navippayutta Kusalaṁ dhammaṁ saṁsaṭṭho kusalo dhammo uppajjati navippayuttapaccayā—arūpe kusalaṁ ekaṁ khandhaṁ saṁsaṭṭhā tayo khandhā …pe… dve khandhe saṁsaṭṭhā dve khandhā. Akusalaṁ dhammaṁ saṁsaṭṭho akusalo dhammo uppajjati navippayuttapaccayā—arūpe akusalaṁ ekaṁ khandhaṁ saṁsaṭṭhā tayo khandhā …pe… dve khandhe saṁsaṭṭhā dve khandhā.