Kusalaṁ dhammaṁ sahajāto kusalo dhammo uppajjati hetupaccayā—kusalaṁ ekaṁ khandhaṁ sahajātā tayo khandhā, tayo khandhe sahajāto eko khandho, dve khandhe sahajātā dve khandhā. Kusalaṁ dhammaṁ sahajāto abyākato dhammo uppajjati hetupaccayā—kusale khandhe sahajātaṁ cittasamuṭṭhānaṁ rūpaṁ. Kusalaṁ dhammaṁ sahajāto kusalo ca abyākato ca dhammā uppajjanti hetupaccayā—kusalaṁ ekaṁ khandhaṁ sahajātā tayo khandhā cittasamuṭṭhānañca rūpaṁ, tayo khandhe sahajāto eko khandho cittasamuṭṭhānañca rūpaṁ, dve khandhe sahajātā dve khandhā cittasamuṭṭhānañca rūpaṁ. Akusalaṁ dhammaṁ sahajāto akusalo dhammo uppajjati hetupaccayā—akusalaṁ ekaṁ khandhaṁ sahajātā tayo khandhā, tayo khandhe sahajāto eko khandho, dve khandhe sahajātā dve khandhā. Akusalaṁ dhammaṁ sahajāto abyākato dhammo uppajjati hetupaccayā—akusale khandhe sahajātaṁ cittasamuṭṭhānaṁ rūpaṁ. Akusalaṁ dhammaṁ sahajāto akusalo ca abyākato ca dhammā uppajjanti hetupaccayā— akusalaṁ ekaṁ khandhaṁ sahajātā tayo khandhā cittasamuṭṭhānañca rūpaṁ, tayo khandhe sahajāto eko khandho cittasamuṭṭhānañca rūpaṁ, dve khandhe sahajātā dve khandhā cittasamuṭṭhānañca rūpaṁ.