Akusalaṁ dhammaṁ saṁsaṭṭho akusalo dhammo uppajjati nahetupaccayā— vicikicchāsahagate uddhaccasahagate khandhe saṁsaṭṭho vicikicchāsahagato uddhaccasahagato moho. Abyākataṁ dhammaṁ saṁsaṭṭho abyākato dhammo uppajjati nahetupaccayā—ahetukaṁ vipākābyākataṁ kiriyābyākataṁ ekaṁ khandhaṁ saṁsaṭṭhā tayo khandhā, tayo khandhe saṁsaṭṭho eko khandho, dve khandhe saṁsaṭṭhā dve khandhā; ahetukapaṭisandhikkhaṇe vipākābyākataṁ ekaṁ khandhaṁ saṁsaṭṭhā tayo khandhā, tayo khandhe saṁsaṭṭho eko khandho, dve khandhe saṁsaṭṭhā dve khandhā. Naadhipatyādi Kusalaṁ dhammaṁ saṁsaṭṭho kusalo dhammo uppajjati naadhipatipaccayā … napurejātapaccayā—arūpe kusalaṁ ekaṁ khandhaṁ saṁsaṭṭhā tayo khandhā …pe… dve khandhe saṁsaṭṭhā dve khandhā. Akusalaṁ dhammaṁ …pe… abyākataṁ dhammaṁ …pe…. Napacchājāta-naāsevana Kusalaṁ dhammaṁ saṁsaṭṭho kusalo dhammo uppajjati napacchājātapaccayā … tīṇi. Naāsevanapaccayā … tīṇi. Nakamma Kusalaṁ dhammaṁ saṁsaṭṭho kusalo dhammo uppajjati nakammapaccayā. Kusale khandhe saṁsaṭṭhā kusalā cetanā. Akusalaṁ dhammaṁ saṁsaṭṭho akusalo dhammo uppajjati nakammapaccayā. Akusale khandhe saṁsaṭṭhā akusalā cetanā.