ปัฏฐาน ภาค ๑
บาลีโรมัน (มหาสังคีติ) · เล่ม ๔๐ · หน้า ๔๙๙
เข้าสู่ระบบเพื่อคั่นหน้า

Upādinnupādāniyaṁ dhammaṁ sampayutto upādinnupādāniyo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Saṁsaṭṭhavāropi sampayuttavāropi sadiso. Sampayuttavāro. 1.5.7. Pañhāvāra 1.5.7.1. Paccayānuloma Vibhaṅgavāra Hetu Upādinnupādāniyo dhammo upādinnupādāniyassa dhammassa hetupaccayena paccayo— upādinnupādāniyā hetū sampayuttakānaṁ khandhānaṁ hetupaccayena paccayo; paṭisandhikkhaṇe upādinnupādāniyā hetū sampayuttakānaṁ khandhānaṁ kaṭattā ca rūpānaṁ hetupaccayena paccayo. Upādinnupādāniyo dhammo anupādinnupādāniyassa dhammassa hetupaccayena paccayo— upādinnupādāniyā hetū cittasamuṭṭhānānaṁ rūpānaṁ hetupaccayena paccayo. Upādinnupādāniyo dhammo upādinnupādāniyassa ca anupādinnupādāniyassa ca dhammassa hetupaccayena paccayo—upādinnupādāniyā hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena paccayo. Anupādinnupādāniyo dhammo anupādinnupādāniyassa dhammassa hetupaccayena paccayo—anupādinnupādāniyā hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena paccayo.

เข้าสู่ระบบเพื่อรับ ๒๐ แต้มบุญจากการอ่านหน้านี้