Saṅkiliṭṭhasaṅkilesiko dhammo asaṅkiliṭṭhasaṅkilesikassa dhammassa vippayuttapaccayena paccayo—sahajātaṁ, pacchājātaṁ. <b>Sahajātā</b>—saṅkiliṭṭhasaṅkilesikā khandhā cittasamuṭṭhānānaṁ rūpānaṁ vippayuttapaccayena paccayo. <b>Pacchājātā</b>—saṅkiliṭṭhasaṅkilesikā khandhā purejātassa imassa kāyassa vippayuttapaccayena paccayo. Asaṅkiliṭṭhasaṅkilesiko dhammo asaṅkiliṭṭhasaṅkilesikassa dhammassa vippayuttapaccayena paccayo—sahajātaṁ, purejātaṁ, pacchājātaṁ. <b>Sahajātā</b>—asaṅkiliṭṭhasaṅkilesikā khandhā cittasamuṭṭhānānaṁ rūpānaṁ vippayuttapaccayena paccayo; paṭisandhikkhaṇe asaṅkiliṭṭhasaṅkilesikā khandhā kaṭattārūpānaṁ vippayuttapaccayena paccayo. Khandhā vatthussa …pe… vatthu khandhānaṁ vippayuttapaccayena paccayo. <b>Purejātaṁ</b>—cakkhāyatanaṁ cakkhuviññāṇassa …pe… kāyāyatanaṁ kāyaviññāṇassa vippayuttapaccayena paccayo. Vatthu asaṅkiliṭṭhasaṅkilesikānaṁ khandhānaṁ vippayuttapaccayena paccayo. <b>Pacchājātā</b>—asaṅkiliṭṭhasaṅkilesikā khandhā purejātassa imassa kāyassa vippayuttapaccayena paccayo. Asaṅkiliṭṭhasaṅkilesiko dhammo saṅkiliṭṭhasaṅkilesikassa dhammassa vippayuttapaccayena paccayo. <b>Purejātaṁ</b>—vatthu saṅkiliṭṭhasaṅkilesikānaṁ khandhānaṁ vippayuttapaccayena paccayo.