Abyākataṁ dhammaṁ paccayā kusalo dhammo uppajjati naadhipatipaccayā, vatthuṁ paccayā kusalā khandhā …pe…. (Yathā anulome sahajātapaccayaṁ, evaṁ gaṇetabbaṁ.) Naanantarādi Kusalaṁ dhammaṁ paccayā abyākato dhammo uppajjati naanantarapaccayā … nasamanantarapaccayā … naaññamaññapaccayā … naupanissayapaccayā … napurejātapaccayā. Yathā paṭiccavāre, evaṁ vitthāretabbaṁ. Napacchājātādi Kusalaṁ dhammaṁ paccayā kusalo dhammo uppajjati napacchājātapaccayā … naāsevanapaccayā …pe… cakkhāyatanaṁ paccayā …pe… (napacchājātapaccayampi naāsevanapaccayampi paripuṇṇaṁ, sattarasa.) Yathā anulome sahajātapaccayaṁ, evaṁ vitthāretabbaṁ. Nakamma Kusalaṁ dhammaṁ paccayā kusalo dhammo uppajjati nakammapaccayā—kusale khandhe paccayā kusalā cetanā. Akusalaṁ dhammaṁ paccayā akusalo dhammo uppajjati nakammapaccayā—akusale khandhe paccayā akusalā cetanā. Abyākataṁ dhammaṁ paccayā abyākato dhammo uppajjati nakammapaccayā, kiriyābyākate khandhe paccayā kiriyābyākatā cetanā; bāhiraṁ … āhārasamuṭṭhānaṁ … utusamuṭṭhānaṁ ekaṁ mahābhūtaṁ paccayā …pe… upādārūpaṁ, vatthuṁ paccayā kiriyābyākatā cetanā. Abyākataṁ dhammaṁ paccayā kusalo dhammo uppajjati nakammapaccayā—vatthuṁ paccayā kusalā cetanā.