Kusalaṁ dhammaṁ paṭicca kusalo dhammo uppajjati navippayuttapaccayā—arūpe kusalaṁ ekaṁ khandhaṁ paṭicca tayo khandhā, tayo khandhe paṭicca eko khandho, dve khandhe paṭicca dve khandhā. Akusalaṁ dhammaṁ paṭicca akusalo dhammo uppajjati navippayuttapaccayā—arūpe akusalaṁ ekaṁ khandhaṁ paṭicca tayo khandhā, tayo khandhe paṭicca eko khandho, dve khandhe paṭicca dve khandhā. Abyākataṁ dhammaṁ paṭicca abyākato dhammo uppajjati navippayuttapaccayā—arūpe vipākābyākataṁ kiriyābyākataṁ ekaṁ khandhaṁ paṭicca tayo khandhā, tayo khandhe paṭicca eko khandho, dve khandhe paṭicca dve khandhā; bāhiraṁ … āhārasamuṭṭhānaṁ … utusamuṭṭhānaṁ … asaññasattānaṁ ekaṁ mahābhūtaṁ paṭicca tayo mahābhūtā …pe… mahābhūte paṭicca kaṭattārūpaṁ upādārūpaṁ. Nonatthi-novigata Kusalaṁ dhammaṁ paṭicca abyākato dhammo uppajjati nonatthipaccayā … novigatapaccayā—kusale khandhe paṭicca cittasamuṭṭhānaṁ rūpaṁ. (Naārammaṇapaccayasadisaṁ.) Saṅkhyāvāra Suddha Nahetuyā dve, naārammaṇe pañca, naadhipatiyā nava, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte pañca, navippayutte tīṇi, nonatthiyā pañca, novigate pañca. 1.2. Paccayapaccanīya Vibhaṅgavāra Nahetuduka