มูฬฺหสฺส ๑ มคฺคํปิ น ปาวทาสิ

อนฺธสฺส ทณฺฑํ สยมาทิยาสิ

เอตาทิโส กทริโย อสํวุโต [๒] ฯ

อถ ตฺวํ เกน วณฺเณน กิเมว ทิสฺวา

อเมฺหหิ สห สํวิภาคํ กโรสิ ฯ

ปจฺเจมิ ภนฺเต ยํ ตฺวํ วเทสิ ฯ

วิโมสยิ ๓ สมณพฺราหฺมเณ ๔ จ ฯ

ขิฑฺฑตฺถิโก โน จ ปทุฏฺฐจิตฺโต

เอตํปิ เม ทุกฺกฏเมว ภนฺเต

ขิฑฺฑาย โข ปสวิตฺวาน ปาปํ

เวเทติ ทุกฺขํ อปฺปมตฺตโภคี ๕

ทหโร ยุวา นคฺคนิยสฺส ภาคี

กึสุ ตโต ทุกฺขตรสฺส โหติ ฯ

ตํ ทิสฺวา สํเวคมลมตฺถํ ภนฺเต

ตปฺปจฺจยา วาปิ ๖ ททามิ ทานํ

ปฏิคฺคณฺห ภนฺเต วตฺถยุคานิ อฏฺฐ

ยกฺขสฺสิมาคจฺฉนฺตุ ทกฺขิณาโย ฯ

อทฺธา หิ ๗ ทานํ พหุธา ปสฏฺฐํ

ททโต จ เต อกฺขยธมฺมมตฺถุ

#๑ ม. มุฏฺฐสฺส ฯ ๒ ม. ตุวํ ฯ ๓ ม. วิเหสยึ ฯ ๔ ยุ. ......เณถ ฯ ๕ ม. ยุ. #อสมตฺตโภคี ฯ ๖ ยุ. จาหํ ฯ ๗ ยุ. อทาหิ ฯ