โยชนานิ ทส เจว องฺกุโรยํ ตทา อหุ

อวิทูเรว พุทฺธสฺส อินฺทโก อติโรจติ ฯ

โอโลเกตฺวาน สมฺพุทฺโธ องฺกุรญฺจาปิ อินฺทกํ

ทกฺขิเณยฺยํ สมฺภาเวนฺโต ๑ อิทํ วจนมพฺรูวิ ๒

มหาทานํ ตยา ทินฺนํ องฺกุร ทีฆมนฺตรํ

อติทูเร นิสินฺโนสิ อาคจฺฉ มม สนฺติกํ ๓ (อิติ) ฯ

โจทิโต ภาวิตตฺเตน องฺกุโร อิทมพฺรูวิ

กึ มยฺหํ เตน ทาเนน ทกฺขิเณยฺเยน สุญฺญตํ ฯ

อยํ โส อินฺทโก ยกฺโข ทชฺชา ทานํ ปริตฺตกํ

อติโรจติ อเมฺหหิ จนฺโท ตารคเณ ยถา (อิติ) ฯ

อุชฺชงฺคเล ๔ ยถา เขตฺเต พีชํ พหหปิ โรปิตํ

น ผลํ วิปุลํ โหติ ๕ นปิ โตเสติ กสฺสกํ

ตเถว ทานํ พหุกํ ทุสฺสีเลสุ ปติฏฺฐิตํ

น ผลํ วิปุลํ โหติ ๕ นปิ โตเสติ ทายกํ ฯ

ยถาปิ ภทฺทเก เขตฺเต พีชํ อปฺปมฺปิ โรปิตํ

สมฺมาธารํ ปเวจฺฉนฺเต ผลํ โตเสติ กสฺสกํ

ตเถว สีลวนฺเตสุ คุณวนฺเตสุ ตาทิสุ

อปฺปกํปิ กตํ การํ ปุญฺญํ โหติ มหปฺผลนฺติ ฯ

วิเจยฺย ทานํ ทาตพฺพํ ยตฺถ ทินฺนํ มหปฺผลํ #๑ ยุ. ปภาเวนฺโต ฯ ๒ ม. วจนมพฺรวิ ฯ ๓ ม. สนฺติเกติ ฯ ๔ ยุ. อุชฺฌงฺคเล ฯ #๕ ม. น วิปุลผลํ โหติ ฯ ยุ. น วิปุลํ น ผลํ โหติ ฯ