มคฺคุตฺตมํ สพฺพกิเลสโสธนํ

ปญฺญาย ผุสิตฺวา ๑ สโตว ฌายติ

ตโต รตึ ปรมตรํ น วินฺทติ ฯ

ยทา อโสกํ วิรชํ อสงฺขตํ

สนฺตํ ปทํ สพฺพกิเลสโสธนํ

ภาเวติ สญฺโญชนพนฺธนจฺฉิทํ

ตโต รตึ ปรมตรํ น วินฺทติ ฯ

ยทา นเภ คชฺชติ เมฆทุนฺทุภิ

ธารากุลา วิหงฺคปเถ สมนฺตโต

ภิกฺขุ จ ปพฺภารคโตว ฌายติ

ตโต รตึ ปรมตรํ น วินฺทติ ฯ

ยทา นทีนํ กุสุมากุลานํ

วิจิตฺตวาเนยฺยวฏํสกานํ

ตีเร นิสินฺโน สุมโนว ฌายติ

ตโต รตึ ปรมตรํ น วินฺทติ ฯ

ยทา นิสีเว ๒ รหิตมฺหิ กานเน

เทเว คฬนฺตมฺหิ นทนฺติ ทาฐิโน

ภิกฺขุ จ ปพฺภารคโตว ฌายติ

ตโต รตึ ปรมตรํ น วินฺทติ ฯ

#๑ ม. ยุ. ปสฺสิตฺวา ฯ ๒ ยุ. นิสีเถ ฯ