อุภยนฺตเรน นาโหสิ เกน โลกสฺมิ กึ สิยา ฯ

มา เม กทาจิ ปาปิจฺโฉ กุสีโต หีนวีริโย

อปฺปสฺสุโต อนาทโร เกน โลกสฺมิ กึ สิยา ฯ

พหุสฺสุโต จ เมธาวี สีเลสุ สุสมาหิโต

เจโตสมถมนุยุตฺโต อปิ มุทฺธนิ ติฏฺฐตุ ฯ

โย ปปญฺจมนุยุตฺโต ปปญฺจาภิรโต มโน ๑

วิราธยี โส นิพฺพานํ โยคกฺเขมํ อนุตฺตรํ ฯ

โย จ ปปญฺจํ หิตฺวาน นิปฺปปญฺจปเถ รโต

อาราธยี โส นิพฺพานํ โยคกฺเขมํ อนุตฺตรํ ฯ

คาเม วา ยทิ วารญฺเญ นินฺเน วา ยทิ วา ถเล

ยตฺถ อรหนฺโต วิหรนฺติ ตํ ภูมิรามเณยฺยกํ ฯ

รมณียานิ อรญฺญานิ ยตฺถ น รมตี ชโน

วีตราคา รมิสฺสนฺติ น เต กามคเวสิโน ฯ

นิธีนํว ปวตฺตารํ ยํ ปสฺเส วชฺชทสฺสินํ

นิคฺคยฺหวาทึ เมธาวึ ตาทิสํ ปณฺฑิตํ ภเช ฯ

ตาทิสํ ภชมานสฺส เสยฺโย โหติ น ปาปิโย ฯ

โอวเทยฺยานุสาเสยฺย อสพฺภา จ นิวารเย

สตํ หิ โส ปิโย โหติ อสตํ โหติ อปฺปิโย ฯ

อญฺญสฺส ภควา พุทฺโธ ธมฺมํ เทเสสิ จกฺขุมา #๑ ยุ. มโค ฯ