นิจฺจํ อารทฺธวิริเยหิ ปณฺฑิเตหิ สหาวเสติ ฯ

วิมโล เถโร ฯ

อุทฺทานํ

องฺคณิโก ภารทฺวาโช ปจฺจโย พากุโล อิสิ

ธนิโย มาตงฺคปุตฺโต จ โสภิโต วารโณ อิสิ

ปสฺสิโก จ ยโสโช จ สาฏิมตฺติยุปาลิ จ

อุตฺตรปาโล อภิภูโต โคตโม หาริโตปิ จ

เถโร ติกนิปาตมฺหิ นิพฺพาเน วิมโล กโต

อฏฺฐตาฬีส คาถาโย เถรา โสฬส กิตฺติตาติ ฯ

ติกนิปาโต นิฏฺฐิโต ฯ

__________________

เถรคาถาย จตุกฺกนิปาโต

[๓๒๓] ๑ อลงฺกตา สุวสนา มาลินี จนฺทนุสฺสทา

มชฺเฌ มหาปเถ นารี ตุริเย นจฺจติ นฏฺฏกี ฯ

ปิณฺฑิกาย ปวิฏฺโฐหํ คจฺฉนฺโต นํ อุทิกฺขิสํ

อลงฺกตํ สุวสนํ มจฺจุปาสํว โอฑฺฑิตํ ฯ

ตโต เม มนสีกาโร โยนิโส อุทปชฺชถ

อาทีนโว ปาตุรหุ นิพฺพิทา สมติฏฺฐถ ๑ ฯ

ตโต จิตฺตํ วิมุจฺจิ เม ปสฺส ธมฺมสุธมฺมตํ #๑ ยุ. สมติฏฺฐติ ฯ