อพฺพูฬฺหํ ๑ วต เม สลฺลํ โสกํ หทยนิสฺสิตํ
โย เม โสกปเรตสฺส ปุตฺตโสกํ อปานุทิ
สฺวาหํ อพฺพูฬฺหสลฺโลสฺมิ สีตภูโตสฺมิ ๒ นิพฺพุโต
น โสจามิ น โรทามิ ตว สุตฺวาน มาณวาติ
เทวตา นุสิ คนฺธพฺโพ อาทู สกฺโก ปุรินฺทโท
โก วา ตฺวํ กสฺส วา ปุตฺโต กถํ ชาเนมุ ตํ มยนฺติ ฯ
ยญฺจ กนฺทสิ ยญฺจ โรทสิ
ปุตฺตํ อาฬาหเน สยํ ฑหิตฺวา
สฺวาหํ กุสลํ กริตฺวาน กมฺมํ
ติทสานํ สหพฺยตํ ปตฺโตติ ฯ
อปฺปํ วา พหุํ วา น อทฺทสามิ
ทานํ ททนฺตสฺส สเก อคาเร
อุโปสถกมฺมํ วา ตาทิสํ
เกน กมฺเมน คโตสิ เทวโลกนฺติ ฯ
อาพาธิโกหํ ทุกฺขิโต คิลาโน
อาตูรรูโปมฺหิ สก นิเวสเน
พุทฺธํ วิคตรชํ วิติณฺณกงฺขํ
อทฺทกฺขึ สุคตํ อโนมปญฺญํ
สฺวาหํ มุทิตมโน ปสนฺนจิตฺโต
#๑ ธมฺมปทฏฺฐกถาย อพฺพุหีติ ทิสฺสติ ฯ ม. อพฺพหี ฯ ๒ ยุ. สีติ ... ฯ