มา จ โข นํ หีฬิตฺถ สุเปสโล โสติ ฯ

ชานามเส ยํ ตฺวํ วเทสิ ยกฺข

น โข ตํ ชานามเส เอทิโสติ

มยมฺปิ นํ ปูชยิสฺสาม ยกฺข

สุตฺวาน ตุยฺหํ วจนํ อุฬารนฺติ ฯ

เย เกจิมสฺมึ สพฺเพ มนุสฺสา

ทหรา มหนฺตา อถ วาปิ มชฺฌิมา

สพฺเพว เต อาลภนฺตุ วิมานํ

ปสฺสนฺตุ ปุญฺญานํ ผลํ กทริยาติ ฯ

เต ตตฺถ สพฺเพว อหํ ปุเรติ

ตํ กปฺปกํ ตตฺถ ปุรกฺขิตฺวา

สพฺเพว เต อาลภึสุ ๑ วิมานํ

มสกฺกสารํ วิย วาสวสฺส

เต ตตฺถ สพฺเพว อหํ ปุเรติ

อุปาสกตฺตํ ปฏิเทสยึสุ ๒

ปาณาติปาตา วิรตา อเหสุํ

โลเก อทินฺนํ ปริวชฺชยึสุ

อมชฺชปา โน จ มุสา ภณึสุ

สเกน ทาเรน อเหสุํ ตุฏฺฐา

#๑ ยุ. อาลมฺพึสุ ฯ ๒ โป. ยุ. ปฏิเทสยิตฺวา ฯ