โยคกฺเขมปเถ สุโกวิโทสิ
ปปฺปุยฺย อนุตฺตรํ วิสุทฺธึ
ปรินิพฺพาหิสิ วารินาว โชติ ฯ
ปชฺโชตกโร ปริตฺตรํโส
วาเตน วินมฺยเต ลตาว
เอวมฺปิ ตุวํ อนาทิยมาโน ๑
มารํ อินฺทสโคตฺต นิทฺธุนาหิ ฯ
โส เวทยิตาสุ วีตราโค
กาลํ กงฺข อิเธว สีติภูโตติ ฯ
กาติยาโน เถโร ฯ
[๓๕๔] ๘ สุเทสิโต จกฺขุมตา พุทฺเธนาทิจฺจพนฺธุนา
สพฺพสํโยชนาตีโต สพฺพวฏฺฏวินาสโน
นิยฺยานิโก อุตฺตรโณ ตณฺหามูลวิโสสโน
วิสมูลํ อาฆาตนํ เภตฺวา ๒ ปาเปติ นิพฺพุตึ
อญฺญาณมูลเภทาย กมฺมยนฺตวิฆาฏโน
วิญฺญาณานํ ปริคฺคเห ญาณวชิรนิปาตโน
เวทนานํ วิญฺญาปโน อุปาทานปฺปโมจโน
ภวํ องฺคารกาสสว ญาเณน อนุปสฺสโน ๓
มหารโส สุคมฺภีโร ชรามจฺจุนิวารโณ #๑ ม. ยุ. อนาทิยาโน ฯ ๒ ยุ. เฉตฺวา ฯ ๓ สี. ม. ยุ. อนุปสฺสโก ฯ