สุทุคฺคเม วนปถสฺส ๑ มชฺเฌ

ทิสํ น ชานาม ปมูฬฺหจิตฺตา

อิทญฺจ ทิสฺวาน อทิฏฺฐปุพฺพํ

วิมานเสฏฺฐญฺจ ตุวญฺจ ยกฺข

ตตุตฺตรึ ชีวิตมาสึสนา

ทิสฺวา ปตีตา สุมนา อุทคฺคาติ ฯ

ปารํ สมุทฺทสฺส อิมญฺจ วนํ ๒

เวตฺตํ ปรํ ๓ สกุปถญฺจ มคฺคํ

นทิโย ปน ปพฺพตานญฺจ ทุคฺคา

ปุถุ ทิสา คจฺฉถ โภคเหตุ

ปกฺขนฺทิยาน วิชิตํ ปเรสํ

เวรชฺชเก มานุเส เปกฺขมานา

ยํ โว สุตํ อถ วาปิ ทิฏฺฐํ

อจฺเฉรกํ ตํ โว สุโณม ตาตาติ ฯ

อิโตปิ อจฺเฉรตรํ กุมาร

น โน สุตํ วา อถ วาปิ ทิฏฺฐํ

อตีตมานุสฺสกเมว สพฺพํ

ทิสฺวาน ตปฺปาม อโนมวณฺณํ

เวหาสยํ โปกฺขรญฺโญ สวนฺติ

#๑ ยุ. วณฺณุปถสฺส ฯ ๒ ยุ. วณฺณณ ฯ ๓ ยุ. เวตฺตาจรํ ฯ