(๑) เสรี สุขี ปพฺพชฺชํ อุปาคมิ
อาคมฺม กปฺปิตกุตฺตมํ อุโภปิ
สามญฺญผลานิ อชฺฌคุํ ฯ
เอตาทิสา สปฺปุริสานํ เสวนา
มหปฺผลา โหติ สตํ วิชานตํ
สูลาวุโต อคฺคผลํ ผุสฺสติ ๒
ผลํ กนิฏฺฐํ ปน อมฺพสกฺขโรติ ฯ
อมฺพสกฺขรเปตวตฺถุ ปฐมํ ฯฌ
[๑๒๒] ๒ สุโณถ ยกฺขสฺส จ วาณิชาน จ
ฯเปฯ
(วิมานวตฺถุสฺมึ สตฺตมสฺส สุนิกฺขิตฺตวคฺคสฺส ทสมวตฺถุสฺมึ ทฏฺฐพฺพํ)
เสริสฺสกเปตวตฺถุ ทุติยํ ฯ
[๑๒๓] ๓ ราชา ปิงฺคลโก นาม สุรฏฺฐานํ อธิปติ อหุ
โมริยานํ อุปฏฺฐานํ คนฺตฺวา สุรฏฺฐํ ปุนราคมา ฯ
อุเณฺห มชฺฌนฺติเก กาเล ราชา ปงฺกํ อุปาคมิ
อทฺทส มคฺคํ รมณียํ เปตานํ วณฺณนาปถํ
สารถึ อามนฺตยิ ราชา อยํ มคฺโค รมณีโย
เขโม โสวตฺถิโก สิโว
อิมินาว สารถิ ยาหิ ๓ สุรฏฺฐานํ สนฺติเก อิโต #๑ ม. ภิกฺขุญฺจ ฯ ๒ ม. อผสฺสยิ ฯ ยุ. ผุสฺสสิ ฯ ๓ ม. ยาม ฯ