ตุฏฺโฐ ภวิสฺสํ อธิคมฺม สาสนํ

มเหสิโน ตนฺนุ กทา ภวิสฺสติ ฯ

พหูนิ วสฺสานิ ตยามฺหิ ยาจิโต

อคารวาเสน อลํ นุ เต อิทํ

ตํ ทานิ มํ ปพฺพชิตํ สมานํ

กึการณํ ๑ จิตฺต ตุวํ น ยุญฺชสิ ฯ

นนุ อหํ จิตฺต ตยามฺหิ ยาจิโต

คิริพฺพเช จิตฺรฉทา วิหงฺคมา

มหินฺทโฆสตฺถนิตาภิคชฺชิโน

เต ตํ รมิสฺสนฺติ วนมฺหิ ฌายินํ ฯ

กุลมฺหิ มิตฺเต จ ปิเย จ ญาตเก

ขิฑฺฑารตึ กามคุณญฺจ โลเก

สพฺพํ ปหาย อิทมชฺฌุปาคโต

อโถปิ ตฺวํ จิตฺต น มยฺห ตุสฺสสิ ฯ

มเมว เอตํ น หิตํ ปเรสํ

สนฺนาหกาเล ปริเทวิเตน กึ

สพฺพํ อิทํ จลํ อิติ เปกฺขมาโน

อภินิกฺขมึ อมตํ ปทํ ชิคีสํ ฯ

สุวุตฺตวาที ๓ ทฺวิปทานมุตฺตโม

มหาภิสกฺโก นรทมฺมสารถิย

#๑ ม. กึการณา ฯ ๒ ม. น หิ ตฺวํ ฯ ๓ ม. สุยุตฺตวาที ฯ