[๔๐๖] ๕ ติสฺเส ยุญฺชสฺสุ ธมฺเมหิ ขโณ ตํ มา อุปจฺจคา

ขณาตีตา หิ โสจนฺติ นิรยมฺหิ สมปฺปิตา ฯ

อญฺญตรา ติสฺสา ฯ

[๔๐๗] ๖ ธีเร นิโรธํ ผุเสหิ สญฺญาวูปสมํ สุขํ

อาราธเยหิ ๑ นิพฺพานํ โยคกฺเขมํ อนุตฺตรํ ฯ

ธีรา ฯ

[๔๐๘] ๗ ธีรา ธีเรหิ ธมฺเมหิ ภิกฺขุนี ภาวิตินฺทฺริยา

ธาเรหิ อนฺติมํ เทหํ เชตฺวา มารํ สวาหนํ ฯ

อญฺญตรา ธีรา ฯ

[๔๐๙] ๘ สทฺธาย ปพฺพชิตฺวาน มิตฺเต มิตฺตรตา ภว

ภาเวหิ กุสเล ธมฺเม โยคกฺเขมสฺส ปตฺติยา ฯ

มิตฺตา ฯ

[๔๑๐] ๙ สทฺธาย ปพฺพชิตฺวาน ภเทฺร ภทฺรรตา ภว

ภาเวหิ กุสเล ธมฺเม โยคกฺเขมํ อนุตฺตรํ ฯ

ภทฺรา ฯ

[๔๑๑] ๑๐ อุปสเม ตเร โอฆํ มจฺจุเธยฺยํ สุทุตฺตรํ

ธาเรหิ อนฺติมํ เทหํ เชตฺวา มารํ สวาหนํ ฯ

อุปสมา ฯ

[๔๑๒] ๑๑ สุมุตฺตา สาธุมุตฺตมฺหิ ตีหิ ขุชฺเชหิ มุตฺติยา

อุทุกฺขเลน มุสเลน ปตินา ขุชฺชเกน จ #๑ ม. ยุ. อาราธยาหิ ฯ