ตโต รตฺยา วิวสเน ๑ สุริยสฺสุคฺคมนํ ปติ

สพฺพํ ตณฺหํ วิโสเสตฺวา ปลฺลงฺเกน อุปาวิสินฺติ ฯ

มหาปนฺถโก เถโร ฯ

อุทฺทานํ

มหากจฺจายโน เถโร สิริมิตฺโต มหาปนฺถโก

ตโย ๒ อฏฺฐนิปาตมฺหิ คาถาโย จตุวีสตีติ ฯ

อฏฺฐกนิปาโต นิฏฺฐิโต ฯ

__________________

เถรคาถาย นวกนิปาโต

[๓๖๙] ๑ ยถา ทุกฺขํ ชรามรณนฺติ ปณฺฑิโต

อวิทฺทสู ยตฺถ สิตา ปุถุชฺชนา

ทุกฺขํ ปริญฺญาย สโตว ฌายติ

ตโต รตึ ปรมตรํ น วินฺทติ ฯ

ยทา ทุกฺขสฺสาวหนึ วิสตฺติกํ

ปปญฺจสงฺฆาฏทุกฺขาธิวาหนึ

ตณฺหํ ปหตฺวาน สโตว ฌายติ

ตโต รตึ ปรมตรํ น วินฺทติ ฯ

ยทา สิวํ เทฺวจตุรงฺคคามินํ

#๑ ม. วิวสาเน ฯ ๒ ยุ. เอเต ฯ