มเถนฺติ มญฺเญ สงฺกปฺปํ สุภํ ราคูปสํหิตํ ฯ

รชมุหตํ วาเตน ยถา เมโฆปสามเย

เอวํ สมฺมนฺติ สงฺกปฺปา ยทา ปญฺญาย ปสฺสติ ฯ

สพฺเพ สงฺขารา อนิจฺจาติ ยทา ปญฺญาย ปสฺสติ

อถ นิพฺพินฺทติ ทุกฺเข เอส มคฺโค วิสุทฺธิยา ฯ

สพฺเพ สงฺขารา ทุกฺขาติ ยทา ปญฺญาย ปสฺสติ

อถ นิพฺพินฺทติ ทุกฺเข เอส มคฺโค วิสุทฺธิยา ฯ

สพฺเพ ธมฺมา อนตฺตาติ ยทา ปญฺญาย ปสฺสติ

อถ นิพฺพินฺทติ ทุกฺเข เอส มคฺโค วิสุทฺธิยา ฯ

พุทฺธานุพุทฺโธ โย เถโร โกณฺฑญฺโญ ติพฺพนิกฺกโม ๑

ปหีนชาติมรโณ พฺรหฺมจริยสฺส เกวลี ฯ

โอฆปาโส ทโฬฺห ขีโล ปพฺพโต ทุปฺปทาลิโย

เฉตฺวา ขีลญฺจ ปาสญฺจ เสลํ เฉตฺวาน ๒ ทุพฺภิทํ

ติณฺโณ ปารงฺคโต ฌายี มุตฺโต โส มารพนฺธนา ฯ

อุทฺธโต จปโล ภิกฺขุ มิตฺเต อาคมฺม ปาปเก

สํสีทติ มโหฆสฺมึ อุมฺมิยา ปฏิกุชฺชิโต ฯ

อนุทฺธโต อจปโล นิปโก สํวุตินฺทฺริโย

กลฺยาณมิตฺโต เมธาวี ทุกฺขสฺสนฺตกโร สิยา ฯ

กาลาปพฺพงฺคสงฺกาโส กีโส ธมนิสณฺฐิโต ๓ #๑ โป. ยุ. ติพฺพนิกฺขโม ฯ ๒ โป. ม. เภตฺวาน ฯ ๓ ยุ. ธมนิสนฺถโต ฯ