กุสกสุผุลฺลิตลตาวลมฺพินีหิ

มณิชาลสทิสา ยสสฺสินี

รมฺมา โปกฺขรณี อุปฏฺฐิตา เต

อุทกรุหา จ เยตฺถิ ปุปฺผชาตา

ถลชา เย จ สนฺติ รุกฺขชาตา

มานุสฺสกา อมานุสฺสกา จ ทิพฺพา

สพฺเพ ตุยฺหํ นิเวสนมฺหิ ชาตา

กิสฺส สมทมสฺส ๑ อยํ วิปาโก

เกนาสิ กมฺมผเลนิธูปปนฺนา

ยถา จ เต อธิคตมิทํ วิมานํ

ตทนุปทํ อวจาสิ อาฬารปขุเมติ ฯ

ยถา จ เม อธิคตมิทํ วิมานํ

โกญฺจมยุรจโกรสงฺฆจริตํ

ทิพฺยปิลวหํสราชจิณฺณํ

ทิชการณฺฑวโกกิลาภินาทิตํ

นานาสนฺตานกปุปฺผรุกฺขวิวิธา

ปาฏลิชมฺพุอโสกรุกฺขวนฺตํ

ยถา จ เม อธิคตมิทํ วิมานํ

#๑ ม. สญฺญมทมสฺสยํ ฯ