นนฺทเน ปวเร ๑ รมฺเม นานาทิชคณายุเต

รมามิ นจฺจคีเตหิ อจฺฉราหิ ปุรกฺขิโตติ ฯ

จูฬรถวิมานํ เตรสมํ ฯ

[๖๔] ๑๔ สหสฺสยุตฺตํ หยวาหนํ สุภํ

อารุยฺหิมํ สนฺทนเนกจิตฺตํ

อุยฺยานภูมึ อภิโต อนุกฺกมํ

ปุรินฺทโท ภูตปตีว วาสโว

โสวณฺณมยา เต รถกุพฺพรา อุโภ

ผเลหิ อํเสหิ อตีว สงฺคตา

สุชาตคุมฺพา นรวีรนิฏฺฐิตา

วิโรจติ ปณฺณรเสว จนฺโท

สุวณฺณชาลาวิตโต ๒ รโถ อยํ

พหูหิ นานารตเนหิ จิตฺติโต

สุนนฺทิโฆโส จ สุภสฺสโร จ

วิโรจติ จามรหตฺถพาหุหิ

อิมา จ นาโภฺย มนสาหิ ๓ นิมฺมิตา

รถสฺส ปาทนฺตรมชฺฌภูสิตา

อิมา จ นาโภฺย สตราชิจิตฺติตา

สเตริตา ๔ วิชฺชุริวปฺปภาสเร

#๑ ม. นนฺทเน จ วเน ฯ ยุ. ปวเน ฯ ๒ สุวณฺณชาลาวตโตติปิ ทิสฺสติ ฯ #๓ ม. ยุ. มนสาภินิมฺมิตา ฯ ๔ ม. สเตรตา ฯ