[๗๓] ๙ อลงฺกโต มาลฺยธโร สุวตฺโถ

สุกุณฺฑลี กปฺปิตเกสมสฺสุ

อามุตฺตหตฺถาภรโณ ยสสฺสี

ทิพฺเพ วิมานมฺหิ ยถาปิ จนฺทิมา

ทิพฺพา จ วีณา ปวทนฺติ วคฺคู

อฏฺฐฏฺฐกา สิกฺขิตา สาธุรูปา

ทิพฺพา จ กญฺญา ติทสจรา อุฬารา

นจฺจนฺติ คายนฺติ ปโมทยนฺติ

เทวิทฺธิปตฺโตสิ มหานุภาโว

มนุสฺสภูโต กิมกาสิ ปุญฺญํ

เกนาสิ เอวญฺชลิตานุภาโว

วณฺโณ จ เต สพฺพทิสา ปภาสตีติ ฯ

โส เทวปุตฺโต อตฺตมโน โมคฺคลฺลาเนน ปุจฺฉิโต

... เป ... ยสฺส กมฺมสฺสิทํ ผลํ

อหํ มนุสฺเสสุ มนุสฺสภูโต

ทิสฺวาน สมเณ สาธุรูเป ๑

สมฺปนฺนวิชฺชาจรเณ ยสสฺสี

พหุสฺสุเต สีลวนฺเต ๒ ปสนฺเน

อนฺนญฺจ ปานญฺจ ปสนฺนจิตฺโต

#๑ ยุ. สารวนฺเต ฯ ๒ ยุ. ตณฺหกฺขยูปปนฺเน ฯ