อาฬารปเมฺห หสิเต ปิยํวเท

สพฺพงฺคกลฺยาณิ ภุสํ วิโรจสิ ฯ

อิทํ วิมานํ วิรชํ สเมฏฺฐิตํ

อุยฺยานวนํ ๑ รตินนฺทวฑฺฒนํ

อิจฺฉามิ เต ๒ นาริ อโนมทสฺสเน

ตยา สห นนฺทเน อิธ โมทิตุนฺติ ฯ

กโรหิ กมฺมํ อิธ เวทนียํ

จิตฺตญฺจ เต อิธ นิตญฺจ ๓ โหตุ

กตฺวาน กมฺมํ อิธ โมทนียํ ๔

เอวํ มมํ ลจฺฉสิ กามกามินินฺติ ฯ

สาธูติ โส ตสฺสา ปฏิสุณิตฺวา

อกาสิ กมฺมํ ตหึ ๕ เวทนียํ

กตฺวาน กมฺมํ ตหึ เวทนียํ

อุปฺปชฺชิ ๖ มาณโว ตสฺสา สหพฺยตนฺติ ฯ

รถการีเปตวตฺถุ ตติยํ ฯ

ภาณวารํ ทุติยํ ฯ

[๑๑๔] ๔ ภูสานิ เอโก ๗ สาลึ ปุนาปโร

อยญฺจ ๘ นารี สกมํสโลหิตํ

#๑ ยุ. อุยฺยานวนฺตํ ฯ ๒ ยุ. อิจฺฉามหํ ฯ ๓ ม. นตญฺจ ฯ ยุ. นีตํ ภวตุ ฯ #๔ ม. เวทนียํ ฯ ๕ ยุ. สหเวทนียํ ฯ ๖ ม. อุปปชฺชิ โส ... ฯ ๗ ยุ. เอเก ... #ปุนาปเร ฯ ๘ ยุ. อญฺญา ฯ