กิสฺส วตํ กึ ปน พฺรหฺมจริยํ

กิสฺส สุจิณฺณสฺส อยํ วิปาโก

เอตาทิสํ พฺยสนํ ปาปุณิตฺวา

ตํ ตาทิสํ ปจฺจนุโภสฺสติทฺธินฺติ ฯ

พุทฺธปฺปมุขสฺส ภิกฺขุสงฺฆสฺส

ปูชํ อกาสิ ชนตา อุฬารํ

ตตฺรสฺส จิตฺตสฺส อหุ อญฺญถตฺตํ

วาจํ อภาสิ ผรุสํ อสพฺภํ

โส ตํ วิตกฺกํ ปฏิวิโนทยิตฺวา

ปีติปสาทํ ปฏิลทฺธา ปจฺฉา

ตถาคตํ เชตวเน วสนฺตํ

ยาคุยา อุปฏฺฐาสิ โส ๑ สตฺตรตฺตํ ฯ

ตสฺส วตํ ตํ ปน พฺรหฺมจริยํ

ตสฺส สุจิณฺณสฺส อยํ วิปาโก

เอตาทิสํ พฺยสนํ ปาปุณิตฺวา

ตํ ตาทิสํ ปจฺจนุโภสฺสติทฺธึ ฯ

ฐตฺวาน โส วสฺสสตํ อิเธว

สพฺเพหิ กาเมหิ สมงฺคิภูโต

กายสฺส เภทา อภิสมฺปรายํ

สหพฺยตํ คจฺฉติ วาสวสฺสาติ ๒ ฯ

กุมารเปตวตฺถุ ปญฺจมํ ฯ

#๑ ม. อยํ ปาโฐ นตฺถิ ฯ