รูปธาตูสุ อรูปธาตูสุ

เนวสญฺญีสุ อสญฺญีสุฏฺฐิตํ ฯ

สมฺภวา สุวิทิตา อสารกา

สงฺขตา ปจลิตา สเทริตา

ตํ วิทิตฺวา มหมตฺตสมฺภวํ

สนฺติเมว สติมา สมชฺฌคนฺติ ฯ

โคตโม เถโร ฯ

[๓๒๑] ๑๕ โย ปุพฺเพ กรณียานิ ปจฺฉา โส กาตุมิจฺฉติ

สุขา โส ธํสเต ฐานา ปจฺฉา จมนุตปฺปติ ฯ

ยญฺหิ กยิรา ตญฺหิ วเท ยํ น กยิรา น ตํ วเท

อกโรนฺตํ ภาสมานํ ปริชานนฺติ ปณฺฑิตา ฯ

สุสุขํ วต นิพฺพานํ สมฺมาสมฺพุทฺธเทสิตํ

อโสกํ วิรชํ เขมํ ยตฺถ ทุกฺขํ นิรุชฺฌตีติ ฯ

หาริโต เถโร ฯ

[๓๒๒] ๑๖ ปาปมิตฺเต วิวชฺเชตฺวา ภเชยฺยุตฺตมปุคฺคเล ๑

โอวาเท จสฺส ติฏฺเฐยฺย ปตฺเถนฺโต อจลํ สุขํ ฯ

ปริตฺตํ ทารุมารุยฺห ยถา สีเท มหณฺณเว

เอวํ กุสีตมาคมฺม สาธุชีวีปิ สีทติ ฯ

ตสฺมา ตํ ปริวชฺเชยฺย กุสีตํ หีนวีริยํ ฯ

ปวิวิตฺเตหิ อริเยหิ ปหิตตฺเตหิ ฌายิหิ #๑ โป. ม. ภเชยฺยุตฺตมปุคฺคลํ ฯ