ทิสฺวา อทนฺตํ ทมิตํ มนุสฺสานํ วสํ คตํ
ตโต จิตฺตํ สมาเธมิ ๑ ขลุ ตาย วนํ คตา ฯ
ทนฺติกา ฯ
[๔๓๔] ๕ อมฺม ชีวาติ วนมฺหิ กนฺทสิ อตฺตานํ อธิคจฺฉ อุพฺพิริ
จูฬาสีติสหสฺสานิ สพฺพา ชีวสนามิกา
เอตมฺหาฬาหเน ทฑฺฒา ตาสํ กมนุโสจสิ ฯ
อพฺพุหิ ๒ วต เม สลฺลํ ทุทฺทสํ หทยนิสฺสิตํ
ยํ เม โสกปเรตาย ธีตุ โสกํ พฺยปานุทิ ฯ
สาชฺช อพฺพูฬฺหสลฺลาหํ นิจฺฉาตา ปรินิพฺพุตา
พุทฺธํ ธมฺมญฺจ สงฺฆญฺจ อุเปมิ สรณํ มุนึ ฯ
อุพฺพิริ ฯ
[๔๓๕] ๖ กึเม กตา ราชคเห มนุสฺสา มธธ ปีตา ว อจฺฉเร
เย สุกฺกํ น อุปาสนฺติ เทเสนฺตึ พุทฺธสาสนํ ฯ
ตญฺจ อปฺปฏิวานียํ อเสจนกโมชวํ
ปิวนฺติ มญฺเญ สปฺปญฺญา วลาหกมิวทฺธคู ฯ
สุกฺกา สุกฺเกหิ ธมฺเมหิ วีตราคา สมาหิตา
ธาเรหิ อนฺติมํ เทหํ เชตฺวา มารํ สวาหนํ ฯ
สุกฺกา ฯ
[๔๓๖] ๗ นตฺถิ นิสฺสรณํ โลเก กึ วิเวเกน กาหสิ #๑ โป. ม. สมาเธสึ ฯ ๒ ม. อพฺพหี ฯ