อายุญฺจ วณฺณญฺจ สุขํ พลญฺจ
ขิทฺทํ รตึ ปจฺจนุโภมนปฺปกํ
สุตํ นุ ตํ ภาสติ ยํ อยํ ลตา
ยํ โน อาปุจฺฉิมฺห ๑ อกิตฺตยิโน
ปติโน กิรมฺหากํ วิสิฏฺฐา นารินํ
คตี จ เนสํ ปวรา จ เทวตา
ปตีสุ ธมฺมํ ปริจราม สพฺพา
ปติพฺพตา ยถาภวนฺติ อิตฺถิโย
ปตีสุ ธมฺมํ ปริจราม สพฺพา
ลจฺฉามเส ภาสติ ยํ อยํ ลตา
สีโห ยถา ปพฺพตสานุโคจโร
มหินฺธรํ ปพฺพตมาวสิตฺวา
ปสยฺห คนฺตฺวา อิตเร จตุปฺปเท
ขุทฺเท มิเค ขาทติ มํสโภชโน
ตเถว สทฺธา อิธ อริยสาวิกา
ภตฺตารํ นิสฺสาย ปตึ อนุพฺพตา
โกธํ วธิตฺวา อนุภุยฺย มจฺเฉรํ
สคฺคมฺหิ สา โมทติ ธมฺมจารินีติ ฯ
ลตาวิมานํ จตุตฺถํ ฯ
[๓๓] ๕ สตฺตตนฺตึ สุมธุรํ รามเณยฺยํ อวาจยึ #๑ โป. ม. ยุ. อปุจฉิมฺห ฯ