วิปากํ สํวิภาคสฺส ยตฺถ ทินฺนํ มหปฺผลํ
ยชมานานํ มนุสฺสานํ ปุญฺญเปกฺขาน ปาณินํ
กโรนฺตํ ๑ โอปธิกํ ปุญฺญํ ยตฺถ ทินฺนํ มหปฺผลํ
ตํ เม พุทฺโธ วิยากาสิ ชานํ กมฺมผลํ สกํ
วิปากํ สํวิภาคสฺส ยตฺถ ทินฺนํ มหปฺผลํ
จตฺตาโร จ ปฏิปนฺนา จตฺตาโร จ ผเล ฐิตา
เอส สงฺโฆ อุชุภูโต ปญฺญาสีลสมาหิโต
ยชมานานํ มนุสฺสานํ ปุญฺญเปกฺขาน ปาณินํ
กโรนฺตํ ๑ โอปธิกํ ปุญฺญํ สงฺเฆ ทินฺนํ มหปฺผลํ
เอโส หิ สงฺโฆ วิปุโล มหคฺคโต
เอสปฺปเมยฺโย อุทธีว สาคโร
เอเต หิ เสฏฺฐา นรวิริยสาวกา
ปภงฺกรา ธมฺมกถํ อุทีรยนฺติ
เตสํ สุทินฺนํ สุหุตํ สุยิฏฺฐํ
เย สงฺฆมุทฺทิสฺส ททนฺติ ทานํ
สา ทกฺขิณา สงฺฆคตา ปติฏฺฐิตา
มหปฺผลา โลกวิทูหิ วณฺณิตา
เอตาทิสํ ปุญฺญมนุสฺสรนฺตา
เย เวทชาตา วิจรนฺติ โลเก
วิเนยฺย มจฺเฉรมลํ สมูลํ
#๑ กโรตนฺติปิ ทิสฺสติ ฯ