... เป ... ยสฺส กมฺมสฺสิทํ ผลํ
อหํ มนุสฺเสสุ มนุสฺสภูตา
ปุริมาย ชาติยา มนุสฺสโลเก
วิหารํ สงฺฆสฺส กาเรสึ อมฺเพหิ ปริวาริตํ!
ปริโยสิเต วิหาเร กาเรนฺเต นิฏฺฐิเต มเห
อมฺเพหจฺฉาทยิตฺวาน กตฺวา ทุสฺสมเย ผเล
ปทีปํ ตตฺถ ชาเลตฺวา โภชยิตฺวา คณุตฺตมํ
นิยฺยาเทสึ ตํ สงฺฆสฺส ปสนฺนา สเกหิ ปาณิหิ
เตน เม อมฺพวนํ รมฺมํ ปาสาเทตฺถ มหลฺลโก
นานาตุริยสงฺฆุฏฺโฐ อจฺฉราคณโฆสิโต
ปทีโป เจตฺถ ชลติ นิจฺจํ โสวณฺณโย มหา
ทุสฺสผเลหิ รุกฺเขหิ สมนฺตา ปริวาริโต
เตน เมตาทิโส วณฺโณ ... เป ...
วณฺโณ จ เม สพฺพทิสา ปภาสตีติ ฯ
อมฺพวิมานํ อฏฺฐมํ ฯ
[๔๗] ๙ ปีตวตฺเถ ปีตธเช ปีตาลงฺการภูสิเต
ปีตจนฺทนลิตฺตงฺเค ปีตุปฺปลมธารินี
ปีตปาสาทสยเน ปีตาสเน ปีตโภชเน ๑
ปีตฉตฺเต ปีตรเถ ปีตสฺเส ปีตวีชเน #๑ ม. ปีตภาชเน ฯ