ตสฺส กมฺมสฺส กุสลสฺส อนุโภมิ รตฺตึ อมานุสึ
ทิวา ปฏิหตาว กุกฺกุรา อุปธาวนฺติ สมนฺตา ขาทิตุํ
เย จ เต สตตานุโยคิโน ธุวํ ปยุตฺตา สุคตสฺส สาสเน
มญฺญามิ เต อมตเมว เกวลํ อธิคจฺฉนฺติ
ปทํ อสงฺขตนฺติ ฯ
ทุติยมิคลุทฺทเปตวตฺถุ อฏฺฐมํ ฯ
[๑๑๙] ๙ มาลี กิรีฏี ๑ กายูรี คตฺตา เต จนฺทนุสฺสทา
ปสนฺนมุขวณฺโณสิ สุริยวณฺโณว โสภสิ ฯ
อมานุสา ปริสชฺชา เย เต เม ปริวาริกา
ทส กญฺญาสหสฺสานิ ยา เตมา ปริจาริกา ฯ
ตา กมฺพุกายูรธรา กญฺจนเจลภูสิตา
มหานุภาโวสิ ตุวํ โลมหํสนรูปวา ฯ
ปิฏฺฐิมํสานิ อตฺตโน สามํ อุกฺกจฺจ ๒ ขาทสิ
กินฺนุ กาเยน วาจาย มนสา ทุกฺกฏํ กตํ
กิสฺส กมฺมวิปาเกน ปิฏฺฐิมํสานิ อตฺตโน
สามํ อุกฺกจฺจ ๒ ขาทสิ ฯ
อตฺตโนหํ อนตฺถาย ชีวโลเก อจริสฺสํ
เปสุญฺญมุสาวาเทน นิกติวญฺจนาย จ ฯ
ตตฺถาหํ ปริสํ คนฺตฺวา สจฺจกาเล อุปฏฺฐิเต #๑ ม. กิริฏี ฯ ๒ ยุ. อุกฺกนฺตฺวา ฯ