Pathavī cakkavattisattassa kammavipākoti? Āmantā. Aññe sattā pathaviṁ paribhuñjantīti? Āmantā. Cakkavattisattassa kammavipākaṁ aññe sattā paribhuñjantīti? Na hevaṁ vattabbe …pe… cakkavattisattassa kammavipākaṁ aññe sattā paribhuñjantīti? Āmantā. Cakkavattisattassa phassaṁ vedanaṁ saññaṁ cetanaṁ cittaṁ saddhaṁ vīriyaṁ satiṁ samādhiṁ paññaṁ aññe sattā paribhuñjantīti? Na hevaṁ vattabbe …pe…. Na vattabbaṁ— “pathavī kammavipāko”ti? Āmantā. Nanu atthi issariyasaṁvattaniyaṁ kammaṁ adhipaccasaṁvattaniyaṁ kammanti? Āmantā. Hañci atthi issariyasaṁvattaniyaṁ kammaṁ adhipaccasaṁvattaniyaṁ kammaṁ, tena vata re vattabbe— “pathavī kammavipāko”ti. Pathavī kammavipākotikathā niṭṭhitā. Mahāpaṇṇāsaka Sattamavagga Jarāmaraṇaṁvipākotikathā