Na vattabbaṁ— “saññāvedayitanirodhasamāpatti lokuttarā”ti? Āmantā. Lokiyāti? Na hevaṁ vattabbe. Tena hi lokuttarāti. Saññāvedayitakathā niṭṭhitā. Mahāpaṇṇāsaka Pannarasamavagga Dutiyasaññāvedayitakathā Saññāvedayitanirodhasamāpatti lokiyāti? Āmantā. Rūpanti? Na hevaṁ vattabbe …pe… vedanā … saññā … saṅkhārā … viññāṇanti? Na hevaṁ vattabbe …pe… kāmāvacarāti? Na hevaṁ vattabbe …pe… rūpāvacarāti? Na hevaṁ vattabbe …pe… arūpāvacarāti? Na hevaṁ vattabbe …pe…. Na vattabbaṁ— “saññāvedayitanirodhasamāpatti lokiyā”ti? Āmantā. Lokuttarāti? Na hevaṁ vattabbe. Tena hi lokiyāti. Dutiyasaññāvedayitakathā niṭṭhitā. Mahāpaṇṇāsaka Pannarasamavagga Tatiyasaññāvedayitakathā