จตุตฺถํ จมฺปกปุปฺผิยตฺเถราปทานํ (๒๕๔)

[๒๕๖] หิมวนฺตอวิทูเร วิกโน ๑ นาม ปพฺพโต

ตสฺส เวมชฺเฌ วสติ สมโณ ภาวิตินฺทฺริโย ฯ

ทิสฺวาน ตสฺโสปสมํ วิปฺปสนฺเนน เจตสา

ตีณิ จมฺปกปุปฺผานิ คเหตฺวาน สโมกิรึ ฯ

เอกนวุเต อิโต กปฺเป ยํ ปุปฺผมภิโรปยึ

ทุคฺคตึ นาภิชานามิ พุทฺธปูชายิทํ ผลํ ฯ

ปฏิสมฺภิทา จตสฺโส วิโมกฺขาปิจ อฏฺฐิเม

ฉฬภิญฺญา สจฺฉิกตา กตํ พุทฺธสฺส สาสนนฺติ ฯ

อิตฺถํ สุทํ อายสฺมา จมฺปกปุปฺผิโย ๒ เถโร อิมา คาถาโย อภาสิตฺถาติ ฯ

จมฺปกปุปฺผิยตฺเถรสฺส อปทานํ สมตฺตํ ฯ

ปญฺจมํ สตฺตปาฏลิยตฺเถราปทานํ (๒๕๕)

[๒๕๗] กณิการํว โชตนฺตํ นิสินฺนํ ปพฺพตนฺตเร

สตฺต ปาฏลิปุปฺผานิ พุทฺธสฺส อภิโรปยึ ฯ

จตุนวุเต อิโต กปฺเป ยํ ปุปฺผมภิโรปยึ

ทุคฺคตึ นาภิชานามิ พุทฺธปูชายิทํ ผลํ ฯ #๑ ม. ยุ. วิกโต ฯ ๒ ม. ยุ. ติจมฺปกปุปฺผิโย ฯ