ติปญฺญาเส ๑ อิโต กปฺเป ราชา อาสึ ชนาภิภู ๒

มหาปุฬิโน นาเมน จกฺกวตฺติ มหพฺพโล ฯ

ปฏิสมฺภิทา จตสฺโส วิโมกฺขาปิจ อฏฺฐิเม

ฉฬภิญฺญา สจฺฉิกตา กตํ พุทฺธสฺส สาสนนฺติ ฯ

อิตฺถํ สุทํ อายสฺมา ปุฬินปูชโก เถโร อิมา คาถาโย อภาสิตฺถาติ ฯ

ปุฬินปูชกตฺเถรสฺส อปทานํ สมตฺตํ ฯ

อฏฺฐมํ อุตฺติยตฺเถราปทานํ (๒๘)

[๓๐] จนฺทภาคานทีตีเร สสสุมาโร อหํ ตทา

สโภชนปสุตาหํ ๓ นทีติตฺถํ อคญฺฉหํ ฯ

สิทฺธตฺโถ ตมฺหิ สมเย สยมฺภู อคฺคปุคฺคโล

นทึ ตริตุกาโม โส นทีติตฺถํ อุปาคมิ ฯ

โอปาคเต จ สมฺพุทฺเธ อหํปิ ตตฺถุปาคมึ

อุปคนฺตฺวาน สมฺพุทฺธํ อิมํ วาจํ อุทีรยึ ฯ

อภิรุยฺห มหาวีร ตาริสฺสามิ อหํ ตุวํ

เปตฺติกํ วิสยํ มยฺหํ อนุกมฺป มหามุนิ ฯ

มม อุคฺคชฺชนํ สุตฺวา อภิรูหิ มหามุนิ

หฏฺโฐ หฏฺเฐน จิตฺเตน ตาเรสึ โลกนายกํ ฯ #๑ ยุ. ตึสติเม ฯ ๒ ม. ยุ. ชนาธิภู ฯ ๓ ม. สโคจรมฺปสุโตหํ ฯ