ตเถว สีลํ พุทฺธสฺส โก ทิสฺวา นปฺปสีทติ ฯ
อนิลญฺชสาสํขุพฺโภ ยถากาโส อสงฺขโย
ตเถว ญาณํ พุทฺธสฺส โก ทิสฺวา นปฺปสีทติ ฯ
อิมาหิ จตูหิ คาถาหิ พฺราหฺมโณ โสนอวฺหโย ๑
พุทฺธเสฏฺฐํ ถวิตฺวาน สิทฺธตฺถมปราชิตํ ฯ
จตุนวุติกปฺปานิ ทุคฺคตึ นุปปชฺชถ
สุคตีสุ สุสมฺปตฺตึ ๒ อนุโภสึ อนปฺปกํ ฯ
จตุนวุเต อิโต กปฺเป ถวิตฺวา โลกนายกํ
ทุคฺคตึ นาภิชานามิ โถมนสฺส อิทํ ผลํ ฯ
จตุทฺทสมฺหิ กปฺปมฺหิ จตุโร อาสุมุคฺคตา
สตฺตรตนสมฺปนฺนา จกฺกวตฺตี มหพฺพลา ฯ
ปฏิสมฺภิทา จตสฺโส วิโมกฺขาปิจ อฏฺฐิเม
ฉฬภิญฺญา สจฺฉิกตา กตํ พุทฺธสฺส สาสนนฺติ ฯ
อิตฺถํ สุทํ อายสฺมา ปรปฺปสาทโก เถโร อิมา คาถาโย อภาสิตฺถาติ ฯ
ปรปฺปสาทกตฺเถรสฺส อปทานํ สมตฺตํ ฯ
ปญฺจมํ ภิสทายกตฺเถราปทานํ ๖๕
[๖๗] เวสฺสภู นาม นาเมน อิสีนํ ตติโย อหุ
กานนํ วนโมคฺคยฺห วิหาสิ ปุริสุตฺตโม ฯ #๑ โป. ม. เสนสวฺหโย ฯ ยุ. เยนสวฺหโย ฯ ๒ ม. สุคตึ สุขสมฺปตฺตึ ฯ