“Ajjeva buddhaṁ saraṇaṁ upehi, Dhammañca saṅghañca pasannacitto; Tatheva sikkhāya padāni pañca, Akhaṇḍaphullāni samādiyassu. Pāṇātipātā viramassu khippaṁ, Loke adinnaṁ parivajjayassu; Amajjapo mā ca musā abhāṇī, Sakena dārena ca hohi tuṭṭho; Imañca ariyaṁ aṭṭhaṅgavarenupetaṁ, Samādiyāhi kusalaṁ sukhudrayaṁ. Cīvaraṁ piṇḍapātañca, paccayaṁ sayanāsanaṁ; Annaṁ pānaṁ khādanīyaṁ, vatthasenāsanāni ca; Dadāhi ujubhūtesu, vippasannena cetasā. Bhikkhūpi sīlasampanne, vītarāge bahussute; Tappehi annapānena, sadā puññaṁ pavaḍḍhati.