“Rūpaṁ disvā sati muṭṭhā, Piyaṁ nimittaṁ manasikaroto; Sārattacitto vedeti, Tañca ajjhosa tiṭṭhati; Tassa vaḍḍhanti āsavā, Bhavamūlopagāmino”ti. … Abhayo thero …. Ekakanipāta Dasamavagga Uttiyattheragāthā “Saddaṁ sutvā sati muṭṭhā, Piyaṁ nimittaṁ manasikaroto; Sārattacitto vedeti, Tañca ajjhosa tiṭṭhati; Tassa vaḍḍhanti āsavā, Saṁsāraṁ upagāmino”ti. … Uttiyo thero …. Ekakanipāta Dasamavagga (Dutiya) Devasabhattheragāthā “Sammappadhānasampanno, Satipaṭṭhānagocaro; Vimuttikusumasañchanno, Parinibbissatyanāsavo”ti. … Devasabho thero …. vaggo dasamo. Tassuddānaṁ Paripuṇṇako ca vijayo, erako mettajī muni; Cakkhupālo khaṇḍasumano, tisso ca abhayo tathā; Uttiyo ca mahāpañño, thero devasabhopi cāti. Ekakanipāta Ekādasamavagga Belaṭṭhānikattheragāthā