Etādisaṁ yaññamanussarantā, Ye vedajātā vicaranti loke; Vineyya maccheramalaṁ samūlaṁ, Aninditā saggamupenti ṭhānan”ti. Vihāravimānaṁ chaṭṭhaṁ. Bhāṇavāraṁ dutiyaṁ. Itthivimāna Mañjiṭṭhakavagga

7. Caturitthivimānavatthu

“Abhikkantena vaṇṇena, …pe… Vaṇṇo ca te sabbadisā pabhāsatī”ti. Sā devatā attamanā, …pe… yassa kammassidaṁ phalaṁ. “Indīvarānaṁ hatthakaṁ ahamadāsiṁ, Bhikkhuno piṇḍāya carantassa; Esikānaṁ uṇṇatasmiṁ, Nagaravare paṇṇakate ramme. Tena metādiso vaṇṇo, …pe… Vaṇṇo ca me sabbadisā pabhāsatī”ti. “Abhikkantena vaṇṇena, …pe… Vaṇṇo ca te sabbadisā pabhāsatī”ti.