Pahīnajātimaraṇaṁ asesaṁ, Niggayha dhonaṁ vadessāmi dhammaṁ; Na kāmakāro hi puthujjanānaṁ, Saṅkheyyakāro ca tathāgatānaṁ. Sampannaveyyākaraṇaṁ tavedaṁ, Samujjupaññassa samuggahītaṁ; Ayamañjali pacchimo suppaṇāmito, Mā mohayī jānamanomapañña. Paroparaṁ ariyadhammaṁ viditvā, Mā mohayī jānamanomavīriya; Vāriṁ yathā ghammani ghammatatto, Vācābhikaṅkhāmi sutaṁ pavassa. Yadatthikaṁ brahmacariyaṁ acarī, Kappāyano kaccissataṁ amoghaṁ; Nibbāyi so ādu saupādiseso, Yathā vimutto ahu taṁ suṇoma”. “Acchecchi taṇhaṁ idha nāmarūpe,