“Ye cittakathī bahussutā, Samaṇā pāṭaliputtavāsino; Tesaññataroyamāyuvā, Dvāre tiṭṭhati māluterito”. “Suyuddhena suyiṭṭhena, saṅgāmavijayena ca; Brahmacariyānuciṇṇena, evāyaṁ sukhamedhatī”ti. … Khujjasobhito thero …. Tikanipāta Paṭhamavagga Vāraṇattheragāthā “Yodha koci manussesu, parapāṇāni hiṁsati; Asmā lokā paramhā ca, ubhayā dhaṁsate naro. Yo ca mettena cittena, sabbapāṇānukampati; Bahuñhi so pasavati, puññaṁ tādisako naro. Subhāsitassa sikkhetha, samaṇūpāsanassa ca; Ekāsanassa ca raho, cittavūpasamassa cā”ti. … Vāraṇo thero …. Tikanipāta Paṭhamavagga Vassikattheragāthā “Ekopi saddho medhāvī, assaddhānīdha ñātinaṁ; Dhammaṭṭho sīlasampanno, hoti atthāya bandhunaṁ. Niggayha anukampāya, coditā ñātayo mayā; Ñātibandhavapemena, kāraṁ katvāna bhikkhusu. Te abbhatītā kālaṅkatā, pattā te tidivaṁ sukhaṁ; Bhātaro mayhaṁ mātā ca, modanti kāmakāmino”ti. … Vassiko thero …. Tikanipāta Paṭhamavagga Yasojattheragāthā