Yadā vitakke uparundhiyattano, Nagantare nagavivaraṁ samassito; Vītaddaro vītakhilova jhāyati, Tato ratiṁ paramataraṁ na vindati. Yadā sukhī malakhilasokanāsano, Niraggaḷo nibbanatho visallo; Sabbāsave byantikatova jhāyati, Tato ratiṁ paramataraṁ na vindatī”ti. … Bhūto thero … Navakanipāto niṭṭhito. Tatruddānaṁ Bhūto tathaddaso thero, eko khaggavisāṇavā; Navakamhi nipātamhi, gāthāyopi imā navāti. Dasakanipāta Paṭhamavagga Kāḷudāyittheragāthā “Aṅgārino dāni dumā bhadante, Phalesino chadanaṁ vippahāya; Te accimantova pabhāsayanti, Samayo mahāvīra bhāgī rasānaṁ.