Ye tuyha chandena vasena vattino, Narā ca nārī ca anubhonti yaṁ sukhaṁ; Aviddasū māravasānuvattino, Bhavābhinandī tava citta sāvakā”ti. … Tālapuṭo thero … Paññāsanipāto niṭṭhito. Tatruddānaṁ Paññāsamhi nipātamhi, eko tālapuṭo suci; Gāthāyo tattha paññāsa, puna pañca ca uttarīti. Saṭṭhinipāta Paṭhamavagga Mahāmoggallānattheragāthā “Āraññikā piṇḍapātikā, uñchāpattāgate ratā; Dālemu maccuno senaṁ, ajjhattaṁ susamāhitā. Āraññikā piṇḍapātikā, uñchāpattāgate ratā; Dhunāma maccuno senaṁ, naḷāgāraṁva kuñjaro. Rukkhamūlikā sātatikā, uñchāpattāgate ratā; Dālemu maccuno senaṁ, ajjhattaṁ susamāhitā.