ยถา โจโร ยถา ทุฏฺโฐ ๑ วาณิโชว วิกตฺถนี

อิสฺสสิงฺคมิว ปริวตฺตา ๒ ทุชิวฺหา อุรโค ยถา ฯ

โสพฺภมิว ปฏิจฺฉนฺนา ปาตาลมิว ทุปฺปุรา

รกฺขสี วิย ทุตฺโตสา ยโมเวกนฺตหาริโย ฯ

ยถา สิขี นที วาโห ๓ อนิโล กามปารวา ๔

เนรูว อวิเสสา จ วิสรุกฺโขว นิจฺจผลี ๕

นาสยนฺติ ฆเร โภคํ รตนานนฺตกริตฺถิโยติ ฯ

[๓๐๑] จตฺตารีมานิ สมฺม ปุณฺณมุข ยานิ ปรกุเล น วาเสตพฺพานิ โคณํ เธนน ยานํ ภริยา จตฺตาริ ธนานิ ๖ ปณฺฑิโต ยานิ ๗ ฆรา น วิปฺปวาสเย ฯ

โคณํ เธนุญฺจ ยานญฺจ

ภริยํ ญาติกุเล น วาสเย

ภุญฺชนฺติ รถํ อยานกา

อติวาเหน หนนฺติ ปุงฺควํ

โทเหน หนนฺติ วจฺฉกํ

ภริยา ญาติกุเล ปทุสฺสตีติ ฯ

[๓๐๒] ฉ อิมานิ สมฺม ปุณฺณมุข ยานิ วตฺถูนิ กิจฺเจ ชาเต อนตฺถจรานิ ภวนฺติ

อคุณํ ธนุ ญาติกุเล จ ภริยา

ปารํ นาวา อกฺขภคฺคญฺจ ยานํ

#๑ ม. ทิทฺโธ ฯ ๒ สี. -มิวาวฏฺฏา ฯ ยุ. -มิวาวตฺตา ฯ ๓ ม. วาโต ฯ ๔ ม. เนรุนาว #สมาคตา ฯ ๕ ม. วิสรุกฺโขวิย นิจฺจผลา ฯ ๖ ม. เอตานิ ฯ ๗ ม. ธนานิ ฯ