อหญฺจานุญฺญาโต มณิ จ ลทฺโธ ฯ

[๑๐๔๓] รุกฺโข หิ มยฺหํ ฆรทฺวาเร ชาโต ๑

ปญฺญากฺขนฺโธ สีลมยสฺส สาขา

อตฺเถ จ ธมฺเม จ ฐิโต นิปาโก

ควปฺผโล หตฺถิควสฺสฉนฺโน ฯ

นจฺจคีตตุริยาภินาทิเต

อุจฺฉิชฺช เสนํ ๒ ปุริโส อโหสิ

โส โน อยํ อาคโต สนฺนิเกตํ

รุกฺขสฺสิมสฺสาปจิตึ กโรถ ฯ

เยเกจิ วิตฺตา มม ปจฺจเยน

สพฺเพว เต ปาตุกโรนฺตุ อชฺช

ติพฺพานิ กตฺวาน อุปายนานิ

รุกฺขสฺสิมสฺสาปจิตึ กโรถ ฯ

เยเกจิ พนฺธา ๓ มม อตฺถิ รฏฺเฐ

สพฺเพว เต พนฺธนา โมจยนฺตุ

ยเถวยํ พนฺธนสฺมา ปมุตฺโต

เอวเมเต มุญฺจเร พนฺธนสฺมา ฯ

อุนฺนงฺคลา มาสมิมํ กโรนฺตุ

มํโสทนํ พฺราหฺมณา ภกฺขยนฺตุ

อมชฺชปา มชฺชรหา ปิวนฺตุ

#๑ ม. ปทฺวาเร สุชาโต ฯ ๒ สี. ยุ. เมนํ ฯ ๓ ม. พทฺธา ฯ