[๙๓๖] ปญฺจาล ปจฺจุคฺคต สูรเสน

มจฺฉา จ มทฺทา สห เกกเกภิ

ปสฺสนฺตุ โน เต อสเถน ยุทฺธํ

น โน สภายํ น กโรนฺติ กิญฺจิ ฯ

[๙๓๗] เต ปาวิสุํ อกฺขมเทน มตฺตา

ราชา กุรูนํ ปุณฺณโก จาปิ ยกฺโข

ราชา กลึ วิจฺจินมคฺคเหสิ

กฏมคฺคหิ ปุณฺณโก นาม ยกฺโข

เต ตตฺถ ชูเต อุภเย ๑ สมาคเต

รญฺญํ สกาเส สขินญฺจ มชฺเฌ

อเชสิ ยกฺโข นรวีรเสฏฺฐํ

ตตฺถปฺปนาโท ตุมุโล พภูว ฯ

[๙๓๘] ชโย มหาราช ปราชโย จ

อายูหตํ อญฺญตรสฺส โหติ

ชนินฺท ชินฺโนสิ ๒ วรนฺธเนน

ชิโต จ เม ขิปฺปมวากโรหิ ฯ

[๙๓๙] หตฺถี ควสฺสา มณิกุณฺฑลา จ

ยญฺจาปิ มยฺหํ รตนํ ปฐพฺยา

คณฺหาหิ กจฺจาน วรํ ธนานํ

#๑ อุภโยติปิ ฯ ๒ ม. ชิโนสิ ฯ ยุ. ชิโตสิ ฯ