เวสฺสานรํ กมฺมกรํ ปชานํ

ปริจริยมคฺคึ สุคตึ กถํ วชฺเช

ปาปานิ กมฺมานิ ปกฺรุพฺพมาโน ๑ ฯ

สพฺพาภิภูตาหุธ ชีวิกตฺถา

อคฺคิสฺส พฺรหฺมา ปริจาริโกติ

สพฺพานุภาวี จ วสี กิมตฺถํ

อนิมฺมิโต นิมฺมิตํ วนฺทิตสฺส ฯ

หาสํ ๒ อนิชฺฌานกฺขมํ อตจฺฉํ

สกฺการเหตุ ปริกรึสุ ปุพฺเพ

เต ลาภสกฺกาเร อปาตุภูเต ๓

สนฺธาภิตา ๔ ชนฺตุภิ สนฺติธมฺมํ ฯ

อชฺเฌนมริยา ปฐวึ ชนินฺทา

เวสฺสา กสึ ปาริจริยญฺจ สุทฺทา

อุปาคู ปจฺเจกํ ยถาปเทสํ

กตาหุ เอเต วสินาติ อาหุ ฯ

เอตญฺจ สจฺจํ วจนํ ภเวยฺย

ยถา อิทํ ภาสิตํ พฺราหฺมเณหิ

นาขตฺติโย ชาตุ ลเภถ รชฺชํ

นาพฺราหฺมโณ มนฺตปทานิ สิกฺเข

นาญฺญตฺร เวสฺสา หิ กสึ กเรยฺย

#๑ ม. ปกุพฺพมาโน ฯ ๒ ม. หสฺสํ ฯ ๓ ม. อปาตุโภนฺเต ฯ ๔ ม. สนฺธาปิตา ฯ #สี. ยุ. สนฺถมฺภิตา ฯ