สุกฺเขสุ กฏฺเฐสุ นเวสุ จาปิ

สพฺพานิ สุสฺเสยฺยุํ วนานิ โลเก

สุกฺขานิ กฏฺฐานิ จ ปชฺชเลยฺยุํ ฯ

กโรติ เจ ทารุติเณน ปุญฺญํ

โภชํ นโร ธูมสิขึ ปตาปวํ

องฺคาริกา โลณกรา จ สูทา

สรีรทาหาปิ กเรยฺยุ ปุญฺญํ ฯ

อถ เจ หิ เอเตปิ กโรนฺติ ปุญฺญํ

อชฺเฌนมคฺคึ อิธ ตปฺปยิตฺวา

น โกจิ โลกสฺมึ กโรติ ปุญฺญํ

โภชํ นโร ธูมสิขึ ปตาปวํ ฯ

กถํ หิ โลกาปจิโต สมาโน

อมนุญฺญคนฺธํ พหูนํ อกนฺตํ

ยเทว มจฺจา ปริวชฺชยนฺติ

ตทปฺปสฏฺฐํ ทิรสญฺญุ ภุญฺเช ฯ

สิขิญฺหิ ๑ เทเวสุ วทนฺติ เอเก

อาปํ มิลกฺขู ๒ ปน เทวมาหุ

สพฺเพว เอเต วิตถํ ภณนฺติ

อคฺคิ น เทวญฺญตโร น อาโป ฯ

อนินฺทฺริยํ สนฺตมสญฺญกายํ

#๑ ม. สิขิมฺหิ ฯ ๒ สี. ยุ. มิลกฺขา ฯ