กาฬา ตรุณาว อุคฺคตา

ปุจิมนฺทตฺถนี ๑ จารุทสฺสนา ฯ

ลาขารสรตฺตสุจฺฉวี

กณิการาว นิวาตปุปฺผิตา

ติทิโวกฺกจราว อจฺฉรา

วิชฺชุวพฺภฆนาว นิสฺสฏา ฯ

สา โทหฬินี สุวิมฺหิตา

วิธุรสฺส หทยํ ธนิยฺยติ

ตํ เนสํ ททามิ อิสฺสร

เตน เต เทนฺติ อิรนฺทตึ มมํ ฯ

[๙๑๒] โส ปุณฺณโก ภูตปตึ ยสสฺสึ

อามนฺติย เวสฺสวณํ กุเวรํ

ตตฺเถว สนฺโต ๒ ปุริสํ อสํสิ

อาเนหิ อาชญฺญมิเธว ยุตฺตํ ฯ

ชาตรูปมยา กณฺณา กาจมฺหิจมยา ขุรา

ชมฺโพนทสฺส ปากสฺส สุวณฺณสฺส อุรจฺฉโท ฯ

เทววาหวหํ ยานํ อสฺสมารุยฺห ปุณฺณโก

อลงฺกโต กปฺปิตเกสมสฺสุ

ปกฺกามิ เวหายสมนฺตลิกฺเข ฯ

[๙๑๓] โส อคมา ราชคหํ สุรมฺมํ

#๑ ปิจุมณฺฑตฺถนีติปิ ปาโฐ ฯ ๒ ยุ. สนฺตํ ฯ